FGR töskumerki – Reglur og skilmálar
Hvað eru töskumerki (e. bagtags)?
Töskumerki eru öflug leið til að hvetja til innbyrðis keppni milli félaga í Frisbígolffélagi Reykjavíkur (FGR). Þegar þú gengur í félagið og ert búin að greiða félagsaðild, gull eða platínu, færðu merki með númeri sem samsvarar röð greiðslunnar – því fyrr sem þú gengur í félagið, því lægra númer færðu.
Merkin eru endurútgefin eftir þörfum og þá í nýju útliti, sem gerir eldri merkin sjaldgæfari eftir því sem tíminn líður.
Árið 2025 voru gefin út númer 1–250, enn eru nokkur merki til sem fara til nýrra félagsmanna 2026, svo verður ráðist í útgáfu næstu röð töskumerkja. Númerin skiptast svona:
• 1–25: Sólarmerki
• 26–75: Fjólumerki
• 76–250: Mánamerki
Töskumerki veitir þér rétt til að taka þátt í innbyrðis keppni við aðra félagsmenn í FGR og vinna þig upp í númeraröðinni.
Reglur
Í öllum mótum FGR með hefðbundnum flokkum (Ekki takmörkuðum eins og t.d. þriggja flokka skemmtimót) eru töskumerkin sjálfkrafa undir í holli. Ef spilað er á mismunandi teigum (ólíkum flokkum) gildir parið í innbyrðis viðureign.
Leikmenn með töskumerki geta skorað hver á annan á öðrum mótum og æfingahringjum.
Ef allir í hollinu eru með töskumerki, taka þeir sjálfkrafa þátt ef einhver skorar á annan.
Að loknum hring vinnur sigurvegarinn lægsta númerið, og númerin raðast síðan í samræmi við lokastöðu hollsins.
Eingöngu greiddir félagar í FGR geta tekið þátt í töskumerkjakeppni sem stendur.
Ekki er hægt að skora á leikmenn úr öðrum hollum en þínu eigin.
Í töskumerkjaáskorunum er stuðst við PDGA reglur.
Hvað gerist ef ég týni töskumerkinu mínu?
Ef leikmaður týnir töskumerkinu sínu getur hann keypt nýtt með nýju númeri fyrir 5.000 kr.
Langar þig í töskumerki?
Töskumerki fylgir með nýskráningu í FGR og er hluti af félagsaðildinni.
Af hverju ætti ég að taka þátt?
Töskumerkjakeppnin er skemmtileg leið til að keppa, bera sig saman við aðra og bæta sig í keppni.
Að auki er þetta frábær leið til að skapa spennu í æfingahringum og undirbúa sig fyrir mót.
Með því að fylgja reglunum og taka þátt í töskumerkjakeppninni hjálparðu til við að byggja upp virka og skemmtilega frisbígolfmenningu innan FGR!